2012/02/07

البلطجية

وقلبي ينزف دما مما يحدث في بلادي .. وأنا ارى دم شبابنا الذي يراق ويستباح على ايدي من نزعت من قلوبهم الرحمة .. وبعد الحادث الأليم الذي جري للمشجعين في ملعب بورسعيد .. وبعد الأحداث الأخيرة التي جرت امام وزارة الداخلية التي راح ضحيتها عدد من الشباب ... واصيب المئات ... افرغت مشاعري على الورق فكانت هذه الخواطر

ضربوا ولادي في التحرير

والدم ف كل مكان غزير

اللي عينه ضاعت ..

واللي دراعه كان بيطير

أو في بطنه خرطوش تفجير

آه يا ولادي .. آه يا بلادي

هنفضل عالحال ده كتير؟

*****

البلطجية ف كل مكان أهيه

ملوا مصر والميدان بالأذية ..

وظلموا الثوار وقالوا بلطجية

شباب مصر مش بلطجية

البلطجية هم الحرامية

هم المسجلين والخطافين

هم اللى عملوا الفوضى ديه

هم اللى قتلوا الأهلاوية

في ملعب بورسعيد الأبية

هم اللى عايزين بلدنا

تحصل فيها حرب أهلية

الأخ يقتل أخوه

والجار يضرب جاره ببندقية

*****

مصر بتقول لدول

ليه بتعملوا كده فيا؟

ده انا طول عمري قوية

انا امكم وكلتم من خيري

وشربتم من نيلي

وعشتم على ارضي العفية

ليه تخونوا امكم بالطريقة ديه ؟

علشان فلوس تبيعوا القضية ؟

علشان قروش تدوسوا عليا ؟

جبتم منين القسوة ديه ؟

الله يلعنكم لعنة ابدية

تمدوا ايديكم يالأذى ليا ؟

نسيتم ربكم وطعنتم فيا ؟

ربي يريحني منكم

ومن الإيدين الخفية